eiberkunst Die Weiber künnen all ein kunst  Das ist / triegen / den narren boren / den affen treen / den Rappen das muß einstreichen / und was sich zum boesen reimpt. Also sagt man mulier mala herba.  Sie machen aus weisen / narren also dz vil  durch ihre Gestalt betrogen / verdorben seind / sie seind des teuffels floh / damit er fahet was nur auf sitzt. Also ist Adam von Heva / Loth durch seine eygne töchter / Samson / Salomon / David / Holofernes / Sysara etc. durch die weiber geleicht worden / und zum teyl umbkommen / durch ihr list / kunst. Von den bösen redt man Ein froms weib ist des lebens heyl / man findts aber selten feyl. Es ist nit mehr dann ein böß weib.

Der philosophus Secundus, gefragt, was ein böß weib wers / antwort: Des menschen schandt / ein unersättliche bestia / ein ewge sorg und unruh / ein unaufhörlicher Streit / ein tägliche schande / des geylen mans undergang und  schiffbruch / ein vaß des ehbruchs / ein schädlicher Krieg / ein giftig böß thier / ein groß Bürde / ein unheylbar Blindschleich etc.  - (klueg)