chüler,
fahrender
Von Vagierern Das Capitel von Vagierern,
das sind Betler oder obentewrer die, die gelben garn
antragen, vnd auß fraw Venus berg komen vnd die Swartzen
kunst können vnd werden genant faren schuler dieselben wo sie jn ein hauß komen
so fahen sie an zu sprechen, Hie kumbt ein farnder schuler der Siben freien
kunst ein meister (die houtzen zu beseflen) ein beschwerer der Teufel für Hagel
für Wetter vnd für als vngeheur, darnach spricht etlich Caracter vnd macht ij.
oder iij. Creutz vnd spricht wo dise wort werden gesprochen, do wirt nieman
erstochen es geet auch niemant vngluck zuhanden hie vnd jn allen landen, vnd
vil andere kostliche wort, So wenen dann die Houtzen es sej also, vnd sind fro
das er komen ist, vnd sie haben nie kein farnden Schuler gesehen, vnd sprechen
zu dem Vagierer das ist mir begegnet oder das, könnt jr mit helffen ich wolt
euch ein guldin oder .ij. geben, so spricht er ja vnd besefelt den Houtzen,
vmbs Meß, mit den experimenten begeen sie sich, die Houtzen meinen darumb das
sie sprechen sie können den Teufel beswern, so können sie eim helffen alles
das jne anligend ist, dann du kanst sie nichts fragen sie können dir ein experiment
dar vber legen, das ist sie können dich bescheissen vnd betriegen vnd dein gelt
(Conclusio) Vor diesen Vagierern hut dich, dann womit sie vmbgeen ist als erlogen.
- Liber vagatorum, nach (
ave
)
|
||
|
||